Imzo

«Oyna issiqlik beradi» Seka Vines bilan

+22% — sotuvlar o‘sishi · +31% — TERMO liniyasining taniqliligi

Vazifa

Ko‘pchilik xaridorlar uchun oynalar faqat plastik va alyuminiyga bo‘linadi: liniyalar, seriyalar va ularning xususiyatlarini kam odam biladi. Ko‘pchilik noto‘g‘ri tanlashdan qo‘rqadi va tanishlaridan maslahat so‘raydi — biroq ular modellarni emas, faqat brendlarni eslaydi. Natijada mahalliy bozorda hech bir ishlab chiqaruvchining taniqli model liniyasi yo‘q edi.

Ikkinchi muammo — eksport: O‘zbekistonda Imzo yaxshi tanilgan, ammo Qozog‘istonda brend mahalliy ishlab chiqaruvchilardan taniqlilik bo‘yicha ortda edi.

Vazifa — vaziyatni o‘zgartirish va yangi TERMO liniyasini bozorga baland ovozda olib chiqish: eksportni oshirish uchun O‘zbekistonda uning taniqliligini, kompaniyaning asosiy eksport bozorlari — Qozog‘iston va Qirg‘izistonda esa tanilishini ta’minlash.

Yechim

Ishni uch davlatda o‘tkazilgan tadqiqotdan boshladik: oynalarning afzalliklarini turli obrazlar va hayotiy vaziyatlarda yetkaza oladigan shaxsni izladik. Taniqlilik va ishonch bo‘yicha so‘zsiz yetakchi Seka Vines bo‘ldi — Qozog‘istonning eng mashhur blogerlaridan biri, O‘zbekiston va MDH davlatlarida keng auditoriyaga ega.

Avval kommunikatsiya rejasini ishlab chiqdik: TERMO liniyasi afzalliklari haqidagi asosiy xabarlarni (key messages), bosh g‘oya — «Imzo — iliqlik ulashadi!» va Seka uchta obrazda — biznesmen, o‘rnatuvchi va mijoz qiyofasida ishtirok etgan vizual konsepsiyani belgiladik.

So‘ng uni barcha aloqa nuqtalarida amalga oshirdik. TERMO afzalliklari haqida maxsus yozilgan audiojingl ostida original «Oynalar» raqsi aks etgan virusli rolikni hamda shourumlar va zavodda suratga olingan, brendning ishlab chiqarishi va savdo tarmog‘ini ko‘rsatgan to‘rtta vaziyatli-yumoristik vaynni suratga oldik. Obrazlarni tashqi reklama va digital uchun moslashtirdik, kampaniyani an’anaviy media va raqamli platformalarda joylashtirdik, Seka Vines sahifasidan esa #imzochallenge’ni boshladik: foydalanuvchilar uning raqsini original trek ostida takrorlashdi — to‘rt davlatdan ishtirokchilar qatnashdi.